المسيح كان يقدر يخلَّص نفسه، كان يقدر ينزل ويوقّف كل ده، لكنه ماعملش كده، لإنه كان مصمم يخلَّص شعبه، مصمم يمشي الطريق لآخره، لغاية ما يتعلق على الخشبة ويتحمِّل لعنتنا.

من غير قداسة حقيقية وحياة توبة وإيمان حقيقي من القلب، فمهما كانت حجم الأحداث، والإحتفالات في الأعياد، ومظاهر العبادة والخدمة اللي بتحصل في الكنيسة، هيبقى مالوش لازمة.

التحذير ده مش للكنايس بس لكن للأفراد كمان، ممكن يكون لينا مظاهر التقوى لكن مُنكرين قوتها...

السكة الوحيدة اللي تخلينا ننال البركة اللي ربنا وعد بيها هو إننا نكون «في المسيح»

المسيح هو نفسه خروف الفصح، اللي هيتحمل مرارة خطايانا ويموت علشان يدينا حياته بصفته خبز الحياة الواهب حياة للعالم...